lanekan yek egirnewe
yek serçawe û řûbarêk û çendîn coge
kêwêk û derbendêk û çendîn řewez
asmanêk û asoyek û çendîn bałindey řengawřeng
zemînêk û baxçeyek û çendîn perjîn
cogekan eřjênewe řûbareke
řewezekan dest edenewe dest derbend û
melekan heryek aso ekenewe be hêlane û
perjînekan xoyan, xoyan la’eden û eçne naw baxçeke
hemû gułekan xoyan
ekenewe be yek çepik û
eçnewe naw gułdane gewreke
hemû zengekan ebnewe be yek zeng
bo yek sirûdî xoşewîstî
bo yek karwanî azadî
hemû tawłe dabřawekan
eçnewe naw yek hobey dîmukiratî
gerwekanman ebnewe be yek gerû
be şimşałêk û be bałebanêk û
bo azadîman exwênin
eme cejnî zame here quł û here mandû
û here sûrekanî kurdistane
eme cejnî yekbûnî ew darbeřuwaneye ke
řegekanyan be piştî mêjûyekî berdełanda çote xwarewe û
le dozexda seryan hełda
îmřo cejnî ew małe sewzeye
- ke ber le ḧevde sał û le tarîkistanî dway nuşustîda
ew wextey momêk nebû
eman milî xoyan kird, be yekem mom
ew wextey taqe espêk nebû
taqe swarêk nebû
taqe dengêk nebû
eman wireyan kird be yekem esp û
baweřyan kird be yekem swarî awzengî evîn û
dengîşyan kird be yekem ziryan.
eme ahengî ew małe xwênawîyeye.
ke dwabedway awî řeşî nuşustî û
hełdêranî mêjûyek
yekemîn çiray xwênyan hełkird,
yekemîn sêdareyan xiste giryan û
le «qendîl»y bestełek û dîrokî sehołbendanda
řiskan û bûn be yekem
estêrey naw befir û
yekem tirûskey şořşî nwê.
bûn be yekem çexmaxey destiřêjî
ew heło sûraney le paytextî ejdîhada
bo yekem car mêrdezmey tirsî be’sîyanyan
kuşt û bo yekem car
gułî xwênî xoyan da le berokî şarekanî
silêmanîLocation û kerkûkLocation û hewlêrLocation û
ziney hîwayan le gyanî wişkibûy
em xełkeda hełqułanewe û
bûn be qîblenma.
le bîrtan bê, bałay berzî îmřo
be bałay berzî dwênêwe bałaye û
ałaye û paşeřoj.
le bîrtan bê zemawendî emřo
le kam dozexî azarî dwênêmanewe tawî senduwe
eme ahengî ew małe sewzeye
ke nîwey kuřekanyan êstake le girdî şehîdan û
le seywanekanî sertaserî em xakewe,
wek gułebeřoje řwawin, lêren û
temaşaman eken!
eme ahengî şehabPerson û mameřîşeyePerson
ahengî ’elîy hejar û kardo gełalêye
eme cejnî yekgirtinewey qenarekanman û
meterêzekanman û qełemekanman û
yekgirtinewey ’areqî řencî be zenguł zengołî
sałanî dûkeł û sałanî enfal û
sałanî guł û xołemêşmane
eme zemawendî ew pêşmerganeye,
ke bo yekem car serdeqşikên û mergibezênî naw
memleketî řeşî be’is bûn.
bo yekem car be dirêjayî çendîn sede,
xoyan kird be diłî kerkûkLocationda û
ber le hemuwan tewêłî xaneqînLocation û dûz û
baweşaswaryan maç kirduwe, boye emcarîş
şaxî «ḧemrînLocation»yan
be xwênî çendîn hełoy wek ḧemeřeş
le azadîy mare kird
ledway hemuwanîşewe basî xoyan kird!
eme ahengî azad hewramî û arame.
eme cejnî îbrahîm ’ezoye.
eme kernevałî hemû dwa awatekanî xwênî şar û
xwênî şaxyane,
lew xwêney le pêşbiřkêy azadîda,
le pêşbiřkêy bezandinî sêdareda,
le pêşbiřkêy bezandinî zîndanekanda,
le pêşbiřkêy qełemî netirs û wişey řapeřîwda
serdestey xwênekanî tir bûn û
le řîzî yekemî hełwerînda bûn bo geşanewey
em řoje.
eme ew şayîye řengîneye,
ew mizgênîye sipîyeye,
ew zemawende gewreyeye
ke zortirîn jimarey şehîdanman destyan tya girtuwe û
legełmanda heł’epeřn û
legełmanda goranî bo azadî û
dîmukiratî û yekêtî û tebayîman ełên
eger ew zamane geşawetrîn zam nebûn, bonyan meken!
eger awênekanî dwênêy qendîlLocation û dwênêy kerkûkLocation û
dwênêy daban û dwênêy ketû, sefînLocation û şeqławeLocation û serî řeş
bêgerditrîn awêne nebûn, byanişkênin.
leser em şanoy dîmukiratîye
bałaman bałay pîremegrûnLocatione.
ême piř be dengî ḧeqîqetî xwên û ḧeqîqetî fîkir û
ḧeqîqetî mêjûman qise ekeyn,
azadîy mezne,
bełam be yekbûnewe meznitire.
kurdistan xoşewîste
bełam be yekêtîyewe xoşewîstitre.
em řûbare bexuře û behaje û bebřişiteyş
be têkeławbûnî ew coge řûn û pakanewe
bexuřtir û behajetir û bebiřiştitre.
lanekan yek egirnewe.
dîwarekanî lêk dabřan heres dênin.
tifengekan eçnewe yek meşceb û
qełemekan eçnewe yek çapxane û
çirakan le yek řêgeda ko ebnewe û
pełe hewrekan, hewre sipîyekan
eçnewe naw yek asman û
îtir ebîne baranêk, ke sertapay em wiłate
ekeyn be gułcařî xoşewîstî û tebayî û
be nîştimanî aştî û dîmukiratî.