lawanewey sereřê
From the Book:
Firmêsk û Huner
By:
Goran (1904-1962)
1 minutes
1219 views
le beẍda derçuwe, seywane amancî
řê çoł ken ey biray zazayî û kirmancî!
řê çoł ken bo meytî řêbwarî mat û zîz
tuxwa! ba kem teř bê be firmêskî payîz!
ba kem ba řeşeba le leşî sard û siř
nek berdî sereřê bête go, bê be giř!
ey biray kirmancî! ey biray zazayî!
mebene ser meytî lêşawî xořayî!
ew meḧmûd cewdetey ke qîbley hîwa bû,
ew meḧmûd cewdetey qeła bû, pena bû,
ew meḧmûd cewdetey ke řojî tengane
tołey bo esendîn le ordûy bêgane
ew meḧmûd cewdetey siruştî xakî bû
ser ta pay kirdewey pakî bû, çakî bû,
ew kurde, ew merde, ew řołey hełkewte,
ew zana û edîbe, ew meḧmûd cewdete!
wek tacî sułtanî, dek lał bim, lekîs çû,
ey bira boç eden pelamarî bêsû?
řê berden, ba biřwa bo seywan tabûtî,
çaw şoř ken le ’astî twanc û tanûtî!