deng û řêgayekî keř

-babe, babe!
-bangim eken! lew dîw dîwarî bîstinî
gwêy şewewe, bangim eken.
lew dîw dergay temumjî
danexrawî naw xewewe, bangim eken.
-babe, babe!
-bedîm eken, lew dîw sûtanî bînînî
řêgey mandûy çawyanewe, bedîm eken.
lew dîw, sinûrî dengewe
lew dîw, řuxsarî řengewe
bangim eken, bedîm eken.
maçyan ekem, maçekanim: wa lêwim ehênne giryan
maçyan ekem, maçekanim:
be demî xoma eçzên.
maçekanim wekû befrê, leber hetawî dûrîya
pêş geyştin etwênewe.
-babe, babe!
-bangim eken, destî dengyan
be naw řêgeyekî keřa, dirêj ebê
bedîm eken, çolekey çawî fiřînyan
le hêlaney nawçewanî ẍerîbîma, heł’enîşin.
leser tarmey bałexaney, naw xeyałma
wiçan egirin.
denûk le danewêłey řijawî
pîtekanî şî’irim eden.
-babe, babe.
-řołekanim
le mabênî êwe û xaka
min tirsêkim, xoşewîstîy řawim enê
hawarêkim, kes nambîsê
le mabênî êwe û xaka, gumanêkim
le diłnyayîda xinkam
çîtan ewê řołekanim?
-babe, babe:
were, were des be serî
sibeynêmanda bihêne.
-le mabênî dengî êwe û sibeynêda
seregêjey hengawekan
le kołanî derneçûda, yexem egirin.
le mabênî dengî êwe û sibeynêda
kuştin, egate jyanim!
le mabênî êwe û xaka, řołekanim
xom be qaçî şemşemekwêrey řêkewta
hełwasîwe.
le mabênî êwe û xaka
nîweşewêkim, ne beyan ne êwarem
nenasîwe!
le mabênî dengî êwe û sibeynêda
min wêłêkim, řêgakanim legeł xoma win kirduwe.
min axêkim, cêgey singim gwastotewe
bo pêdeştî hejarekan.
çîtan ewê, wirdîlekan?
-babe, babe! toman ewê
toman ewê, key dêytewe?
-key dêmewe? ke zamî «babe pêşmerge»
le dergay berbeyanî da
ke kotrî bałkirawî şaxekanman fiřînewe,
min dêmewe.
key dêmewe? ke maçî babe gîvara
leser gonetan sewz bû,
min dêmewe.
key dêmewe? ke karjołekanî «seqizLocation»
awyan le «wanLocation»da xwardewe
min dêmewe, min dêmewe katê minałî – řeşekan -
lenaw befrî germyanî serzemîna
yarîyan kird
min dêmewe, katê «’îsaPerson» bo lay momî
kujawey naw kiłêsekan, geřayewe.
min dêmewe, min dêmewe, wirdîlekan
katê bawke dizrawekan, dozranewe.
katê terme bênawekan, hênranewe.
min dêmewe wirdîlekan
katê diłope xwênî piçřawey jêr serdabe tarîkekan
le dezûy pirşingî xora, kiranewe
bo milwankey milî daykî şehîdekan, honranewe.
min dêmewe řołekanim.
-babe, babe le kwê enûy?
xewman nîye!
«binû bexoşî, heta beyanîy
xewî jêr perdey pakî yezdanî
giryanî çîte, to çî ezanî?
to taze xunçey baxî jyanî
řołe laylaye, şêrko laylaye
yaxwa şêrane bêyte naw kaye»
-babe, babe! giryanim dê!«eger wek bawke ḧesret
dîdeket zehirit biçêjaye,
zeman gerdî emeltî gişt
bedem bawe bibêjaye
heqit bû bê wiçan bigrît,
beser tawanî bawkîma.
beḧir, piř keyt le tif bîdeyt
be nawçewanî bawkîma»
-babe, babe! pêman ełên:
bawkitan çîye?
-bawkitan! bawkitan! areqî nawçewanêke be lacangî
řojekana, dête xwarê.
pêçkeye, le nûstinîşda xul exwa
bawkitan dermanêke derdî, têkeł ekirê.
xemekanî wek hecîcîy
kołêke û dinya egeřê.
bawkitan, řidênî qerzêke, qet taşînî tewaw nabê!
bawkitan, bawkitan
cigereyeke, be lêwî hełbesetêkî bêkarewe
gîrfanî betał, eykêşî.
xwê awêke, zamekanî xoy eyçêjê.
bawkitan, pyałey «mame xeme»y çayîçîyeke
hemû «mame yare»yek pêy exwatewe.
řołekanim! bawkitan qîrî serşeqamî
yeqdirawey hawînî xwar efrîqaLocationye
pirteqałêkî yafaye
her be darewe mijrawe.
-«ke cwankîle û ke minał bûm
guł małim bû
kanî, deryaçey sałim bû
guł bû be zam
kanîş be tînwêtî le lam»
-babe, babe
-bangim eken, lew dîw dîwarî bîstinî
gwêy şewewe, bangim eken
bedîm eken, lew dîw sûtanî bînînî
řêgey mandûy çawyanewe, bedîm eken
lew dîw sinûrî dengewe
lew dîw řuxsarî řengewe
bangim eken, bedîm eken
-babe, babe, babe, babe ...