nameyek

ey «parçey cigerm», biram
bebê ewey xot bêyte lam
pirsyarim geyşte weram
ke kirdimewe dîwaneket
lem dûrewe,
dîm payîzî jyaneket.
le zistanî honraweta
dîm baranî giryaneket.
dîm ew naxey
piř le axey
hezar gułî tya sûtawe
xor lenaw şewya xinkawe.
dîm ew kiçey be qijî ser
hełwasrawe.
dîm ew pepûlaney kewa,
bałî fiřînyan bestirawe.
dîm, birakem, ew beharey
le newrozda bê hetawe.le daykî şî’rewe biram!
bebê ewey xot bêyte lam,
ta bimdiwênî
bînî tînûm, na be bînî
gomî sikałakey towe,
azarî xom lebîr çowe.
serincê be le «tirîfe»
diłnyam ke toş embînî
wek xot tenyam!
ay birakey dwênê û êstam
lem dûrewe
çend bot giryam!