qîblem melal bo
From the Book:
Dîwanî Welî Dêwane
By:
Wali Dewane (1826-1881)
1 minutes
762 views
qîblem melal bo, qîblem melal bo
diłê ẍeyr ce xem xałit melal bo
ew dił er daney şewçiray lał bo
to xuda bazeş ba we zuxał bo
dîdem دیدەێی newêno bałat
herdem neřjyo we gerd pałat
ew dîde dîdey ceyr tundixêz bo
to xuda bazeş ba soma bêz bo
serê we ser keman her řo
şewan ser nedo we astaney to
ew ser er serdar dewran dûn bo
to xuda bazeş ba seringûn bo
desê des nedo ne kemer peywes
neşot ne gerden peyapey des des
ew dese er des cellad moř bo
to xuda bazeş ba bestey goř bo
پاێی pey peyřew to nebo we pa
we řay yaney to neşo we řařa
ew pa er pay pak bedir munîr bo
to xuda baziş ba ne zencîr bo
qîblem ba desim we damanit bo
meczûb ce zumrey ẍułamanit bo