zuhrey sub sełat
From the Book:
Dîwanî Welî Dêwane
By:
Wali Dewane (1826-1881)
1 minutes
831 views
zuhrey sub sełat, zuhrey sub sełat
zuhrey weqit řo wadey sub sełat
پێشڕەۆ xawer kogay xem xełat
hergîz newînî qîbley dûr wiłat
to xo ne zumrey se’d exteranî
temaşaçî ḧusin pak nezeranî
fêşter nezaret we řûy pakanen
temaşat we şewq şerefnakanen
her řo subiḧ çarey safan mewînî
mîwey no ceřeng pakan meçînî
sîret û sûret tetaranewe
we nûr cemał nazaranewen
ta xor ne řûy burc bermeşo çun teyr
ne gułbaẍçey ḧusin pakan mekey seyr
hergîz mewînî nûr dîdey min
şem şadî û zewq berguzîdey min
ne ew ce zumrey cemîn safanen
şem soy çiraẍ ’êł cafanen
fîdat bam sed car zuhrey weqit řo
to bew memanî ew be şêwey to
çun nekerdit seyr ew melek çare
temaşay ew ḧusin mer we to ’are