cey şoley «şem»e
From the Book:
Dîwanî Welî Dêwane
By:
Wali Dewane (1826-1881)
2 minutes
1385 views
cey şołey «şem»e, cey şołey «şem»e
ey barekełła cey şołey «şem»e
cey nûr munîr çerx çwareme
cey şewq cemał may dû hefteme
cey taq mîḧrab ebro kemane
cey mewday mujgan mest qetrane
cey sîm «enf» elf nigare
cey gonay gułbêz guł û gułzare
cey zułf kemend diłan pê gîre
cey ḧełqey tenaf gêsû û zencîre
cey le’il leban piř ce gewhere
ce řaz řazan řêzey şekere
cey çay zenexdan şêwe şîrîne
cey «zinc» zîbay top zêřîne
cey mînay bilûr memlû ce bade
cey saqî gerden suraḧî sade
cey nîmnîgay naz ew nazfiroşe
cey goşwaran awêzay goşe
cey cifit qendîl çeman ce nûre
cey sedir sîney sifîd bilûre
cey sam sengîn î sam sengîne
cey «sa’d» sîm pence řengîne
cey řam xaw řefit ẍezałe
cey «ketif» û «kemer» ahûy bermałe
cey «çem» ẍezeb şîrîn nigare
cey «naf» mişkîn ahû tetare
řû terḧ teswîr sen’an kerd ce dîn
wełła mer şêwey guł’endam çîn
çen eyyam serdar sewłan teř bo
esperdey îmam zamin xeber bo