bayequş nałan
From the Book:
Dîwanî Welî Dêwane
By:
Wali Dewane (1826-1881)
1 minutes
1513 views
bayequş nałan, bayequş nałan
to ho kêşenî min her şew nałan
min xêł şadîm şexsê kerd tałan
to çêş pêt aman hamderd sałan
nałey min ce sok sewday ew yaren
diłim ce dûrî ew bê qeraren
min «perwane»y şewq «şem» cemałêkim
kuştey nîgay naz sosen xałêkim
to şewan ta řo bang hohoten
derdekey dûrî zamet ce koten
min siftey sozan şołey ew nûrim
be řo herasan be şew «deycûr»m
to dax hicran kêt ne derûnen
çun min sergerdan cestet zebûnen
min mubtelay derd mest meftûnim
canşîn cay «qeysPerson» mecnûnim
to ce ’eşqî kê wêłî û dêwane?
şewan bêdarî ne cay wêrane
xozge pêt sed car derdîn diłřêş
we cestey min nît cewr û cefa kêş
to her ne xeyał cay wêrananî
bêbak û laqeyd tîr û tananî
dirêẍa minîş wey gişt daxewe
we dax ew şem şew çiraxewe
şew xerîk kunc cay matem bya
şewanîç ne bezim şadî şem bya