ey dił we seng bay
From the Book:
Dîwanî Welî Dêwane
By:
Wali Dewane (1826-1881)
1 minutes
1794 views
ey dił we seng bay, ey dił we seng bay
ey dîde kor bay, ey dił we seng bay
ey «zuwan» lał bay ey xatir teng bay
ey «ten» tawyay jar fereng bay
ey «goş» nejnewa her yekcar keř bay
ey keř we ẍezeb bad seřseř bay
erê tałey min ẍezeb waro lêt
erê bext min tewen waro pêt
ey firîştey min we ferman ḧeq
firîştan ’erş şeqit keran şeq
ey îqbał min her seringûn bay
seringûn ne qe’ir ab «hamûn» bay
wêm be wêm waçûn be koy zuxał bay
ten ne ẍerq berq fena pamał bay
çend sałen ke řenc řyazet berdim
hûn zûx zam řîşey dił werdim
ax û daxim bê şewan ta weřo
bwîno bałay leyl ’enber bo
xaw mergim bî, xawim kerde bê
dîdem ne xaw bê «şemPerson» wiyerde bê