însanî gewre

From the Book:
Dîwanî Goran
By:
Goran (1904-1962)
 1 minutes  498 views
însanî gewre le keştîda řêbwarî serbane,
le şemendefera piley sêyem
le şeqama swarî qaçî xoyetî
însanî gewre.
însanî gewre le heşt sałane eçê bo îş,
le bîsta jin ehênê,
le çila emrê
însanî gewre.
nan cige le însanî gewre beşî hemûkes ekat,
birincîş herweha
şekirîş herweha
qumaşîş herweha
kitêbîş herweha
cige le însanî gewre beşî hemûkes ekat.
le zewîy însanî gewreda sêber nîye
le kołanî şewya çira nîye
le pencereya şûşe nîye
bełam hîway heye însanî gewre
bê hîwa hergîz najî.