sozî kurdistan

gwê lew bangewaze bigirin bangitan eka ey gelî kurd le êrana...
ey netewey kawey nebez, ey řołekanî qazîy kurd le êrana...
ey ew cigersûtawaney xwêntan řêja bê berawird
le mehabadLocationy xwênîna gewre û biçûktan le xoy burd
le pênawî serbestîya hezarantan xoy fîda kird, seryan dana
pałyan ena be řewřewey jyanewe bo pêşewe
bakyan nebû le zincîr û be eşkence û endêşewe
le pênawî amancekey kurdistana be êşewe seryan dana
pêwîste êmeş be řêgey ewanda biřoyn ta mirdin
bo parastinî bext bîn be xwên û saman le dujmin
jyan çîye ger řaybiwêrîn be zelîlî û serşořkirdin
le cîhana?..
muxabne bitwêynewe bo berjewendîy xełkî tir
hewł nedeyn bo kurdistan be derûnêkî wek agir
eger diłsoz nebîn bo kurd ḧeyfe bijîn ême îtir le cîhana
gwêt le awazî derûnî kurdistanî daykimane enałênê?
gwêt lew bangewazeyetî çen be soz û piř giryane pêman ełê
«ey řołekanim yek girin, têbkoşin serapa gişt
wekû qełayekî poła bo min û xotan bibne pişt
çunke êstaş henawe parçeparçekem ke xwênî řişt eydełênê»
ey kurdîne muxabne ew zamane tîmar nekeyn
şûreyîye derdekanî daykî dêrînman çar nekeyn
temaşa ken zamekanî çen nasore bo wa bikeyn her bimênê?
ebê awatî dwa řojî êmey kurdî dił piř biřwa
yekgirtinewey kurdistan bikeyn be beriztirîn hîwa
boy têkoşîn be têkřayî be biřwayekî wek poła her bimênê