seyrî ke mame ḧeme şipirze û tenge tawe
From the Book:
Dîwanî Lutfî
By:
Lutfi (1905-1989)
2 minutes
496 views
seyrî ke mame ḧeme şipirze û tenge tawe
da’îm hîlak û bê hoş bedes małî dunyawe
ne bergî leberdaye ne têrî nan û awe
le ḧefta sał řet buwe pay le heşta danawe
wekû gencêkî taze dwênê jinî hênawe
sebir û sikûnî nîye be řoj heta êware
be şew le xizmet małat be da’îma bêdare
hełpeyekî bo deşte yekêkî bo naw şare
le taw tema’î dunya le dînî xoy bêzare
her le pê ta tewqî ser ẍerqe le naw quřawe
ne xefet le lay dînê, ne xeyał le îmanê
belay mamosta naçê řêgey dînê nazanê
řû le zanayê naka, edîb be hîç ezanê
hejarê řûy tê bika naydatê luqme nanê
em řuknane ke ferze ew be hîçî danawe
gwê le min bigre nefam pêt biłêm qisey cwan
řû be řû seyrî min ke fikirî xot bom ke beyan
qonaẍit heta kwêye bo kwê eřoy be tekan
bin pêt hemûy jakawe wişke wek darî xezan
wek la dîwarî kone delaqet lê; řûxawe
wellaşekanit hemûy řoyştin to becêmay
lesed yekê nemawe toyş ebê biçî bo lay
ta key to fikirê nakey meşẍûłî małî dunyay
xerîk cefay bê sûd û řenc û zeḧmetî hebay
ciłew ’eqiłit ba dewe emca bo lay xudawe
tewbe bike be řastî bigre řêgey şerî’et
qezay nwêj û zekatit bike be ferz û sunnet
ḧec û xeyratit bike hetakû mawe firset
bo axrît her çake bo to ebê be řeḧmet
le xew hełse, firsete em çen řojet ke mawe
dwayî paret bo naka peşîmanî û nedamet
ewey bo to bimênê her daxe legeł ḧesret
bê beş ebê bizane le teqsîmî merḧemet
beynî beheşt nabînî be fetawî şerî’et
lutfîPen name eto ezanî weha fitwa dirawe