řołe min zorim nema le dunya
wesyet bo kuřekanim
From the Book:
Dîwanî Lutfî
By:
Lutfi (1905-1989)
2 minutes
445 views
řołe min zorim nema le dunya
her katê zanît barxanem pêça
wesyet ekem botan kuřî xom
le dway mirdinîş ẍem xorî engom
heta etwanin leser řûy dunya
řûtan be şûş bê her wekû çira
řû girj nîşane lebo ehlî nar
leser řûy dunya ebê aşkar
da’îm řû geş bin legeł gişt ’ewam
řû geşî şerte bo gelî îslam
řefîqîy pyawî bexîl qet meken
ẍeybetî pyawî celîl qet meken
sexa sîfetî zatî xudaye
ewey sexî bê dostî gişt laye
ehlî beheştîş nîşaney dyare
sexî û řûxoşe legeł eẍyare
wekû guł wa bin bontan ba biřwa
le naw ’alem da dyar bin wek çira
ḧurmetî ’alîm hejar û hetîw
şel û kwêr û pîr extyarî řizîw
lazme bigirin beqeder eḧwał
zorî pê xoşe zatî zulcelal
şîrîn bin řołe wek şîrî bê gerd
bibin be şîfa qet mebin be derd
řołe min eřom zorim nemawe
qisey dwayme ke wa nûsrawe
mebin be jałe tał û bê semer
şîrîn bin tuxwa wek şehd û şeker
xyanet neken le qewmî xotan
ser şořî dênê le her dû cîhan
kelamî kurdî heye metłebe
«ger nabî be guł diřkîş mebe»
řołe min leser řadey seferim
mał kawil xomim hey xak be serim
ewey nûsîwme be gwêm ken tuxwa
sertan berz ebê le meydan xwa
êweş car û bar yadî min biken
le xeyr û xeyrat bê beşim meken
lutfîPen name temay çît eto le dway xot
xeyrî ewladit beřê kirê bot