lêm geřê tuxwa erê bira gyan
de ba binoşim
From the Book:
Dîwanî Lutfî
By:
Lutfi (1905-1989)
1 minutes
417 views
lêm geřê tuxwa erê bira gyan
’aciz danîşim damaw û ḧeyran
deba binoşim cur’ey camî tał
deba nêw derûn bête koy zûxał
deba şîwen kem hetakû mawim
wek seyl ba xwên bê le her dû çawim
jînê her be ẍem dîlî řojgarim
le řast hemû kes min şermezarim
bê tîn û taqet aşufte ḧałim
le bedbextîda wêrane małim
’eybê şik nabem be ẍeyrî pîrî
damên gîrim bû legeł feqîrî
herdûkî řêkewt bergî ẍem û tem
poşaye berim ’îlletî matem
wicûd wek fener leser ta be pam
xomîş nazanim boç wa têk şikam
taze be min çî dîdenî dostan
dost û hawřêy min wan le gořistan
be min çî seyrî řuxsarî dulber
be min çî bade û şerabî kewser
binałe lutfîPen name manendî mecnûn
ta awî dîdet têkeł bê be xûn