gerçî xom řût û řezîlim dił heway caran eka
From the Book:
Dîwanî Lutfî
By:
Lutfi (1905-1989)
1 minutes
539 views
gerçî xom řût û řezîlim dił heway caran eka
her wekû ewweł le şewqe arezûy seyran eka
gerçî zor pîr û zwîre taqetî ḧałî nîye
îd’ay qurb û wîsałî wesłî řûy canan eka
wa le deşta kewtuwe bê naz û leşî piř zibił û xoł
fikirî bazař û utêl û qeyserî şaran eka
pîrî darî daye destî pay ke dû bû bote sê
gerçî ḧałîşî wehaye arezûy geřan eka
wa le twêy kirasî xam û kêç espêda řezîl
basî çoẍey lacîwerd û fasonî ceřman eka
xoy le seḧrayêkî bê aw kewtuwe mat û melûl
îd’ay awî şet û baẍ û guł û řêḧan eka
şeş gezî çawî nîye le mułk û serwet ey hejar
serguzeştey bergî çîn û armoş û ketan eka
her be miskînîş eger lêre nebê cêgey nîye
daxekem lafî emîrî şarî kirmaşan eka
te’qîbî řêgey ’eqił ke lutfîPen name ta key wa ’ezab
barî bê ’eqłî girane xełqî bê saman eka