bayê le teref qîblemewe dêt û wezane
From the Book:
Dîwanî Nalî
By:
Nali (1800-1877)
1 minutes
1774 views
bayê le teref qîblemewe dêt û wezane,
ya boyî henasey demî ẍunçey lerezane?!
eşkim, ke legeł ’eşqime, tîflêkî fehîme
hoşim, ke legeł xoşme, pîrêkî nezane
tîjawî suruşkim wekû îksîrî suheyle
řuxsareyî zerdim wekû ewraqî xezane
şêxim! were der! fesłî behar û guł û geşte
eyyamî le germabe xizan weqtî xezane!
ew şêxe be kum megre ke peşmîne merîde
ew řîşe beser darewe řîsêkî buzane
beḧrî ẍezelim piř le duř û gewhere, emma
ẍewwasî dewê ye’nî be te’mîqî bizane
piřdaneye, emma newekû daneyî çełtûk
beḧirim wituwe, nek wekû golî merezane
ḧusnî nezere esłî nezer ḧusnî be ’îsmet
sofî ke deka terkî, be însanî mezane
ew gewhere nukte ke le nalîPen namey dedzin xełq
awî nîye, wek agirî bêşewqî dizane