kurde to bo çî wa lêt şêwawe
From the Book:
Dîwanî Lutfî
By:
Lutfi (1905-1989)
2 minutes
486 views
kurde to bo çî wa lêt şêwawe
bo dergay şadît lê daxrawe
kurde to bo çî da’îm řeng zerdî
herdem xemgîn û henase serdî
kurde to bo çî wa peşokawî
wek gułî bê aw sîs û jakawî
kurde to bo çî da’îm le xemday
le bergî syay şîn û matemday
kurde to bo çî derdit girane
tenha derdî to be bê dermane
kurde to bo çî dîlî řojgarî
bê şewq û zînet le xot bêzarî
kurde to bo çî da’îm jêrdesî
bê pişt û pena bê hîz bê kesî
kurde to bo çî herbeş xurawî
le naw xakî xot bo derkirawî
wełamim dewe derdim girane
dił bo bê kesît zor perîşane
wełamî dawe kurdî xak beser
le çî epirsî le ḧał bê xeber
çît bo şerḧ kem le ḧałî kurdan
be kaẍez û qełem nayête beyan
eme çen sałe ladêy û şarî min
wêrane be des bedkarî dujmin
to seyrî bike şaxî kurdistan
le hemû lawe agir têberdan
lem xake nîye yek biste şwênê
ke aw nedrabê be qetre xwênê
řû lekwê ekey şîn û giryane
barxaney xefet lewê mîwane
le hîç cêgeyê şadî nemawe
seyrî kê ekey dił piř xwênawe
lutfîPen name heta key her şîwen ekey
destî dexalet bolay kî ebey