kakî kurdim wa dyare zewq û şadît dyar nîye
le paş řûxandinî řijêmî paşayetî le ’êraq û berpabûnî şořşî 14y temûzî sałî 1958
From the Book:
Dîwanî Lutfî
By:
Lutfi (1905-1989)
1 minutes
635 views
kakî kurdim wa dyare zewq û şadît dyar nîye
cejnekey to cejnî gişte ferqî deşt û şar nîye
piř bedem hawar ke bo xot cejne ey kurdî dilêr
cêgey tirs û ẍem û ya cêge ’eyb û ’ar nîye
sef bibestin řabuwestin wek bira gewre û biçûk
çî bikey îmřo bo xote załmî xwênxiwar nîye
řeḧmetî ḧeq hate cunbiş dûkełî kifrî řifan
kes le mekirî zatî ḧeq yek zeřeyê bêdar nîye
mał û serwet řoḧî şîrîn bo çîye ey kakî xom
giştî qurbanî weten bê derdekey to dyar nîye
suxreyî aẍa û beg û ya załme xwênxorekan
bête yadit wa bizane sałeket wek par nîye
her wekû espêy bêgane řoj û şew xwêntî exward
mil keç û řazî be gişt etut ke wa hîç çar nîye
îmřo gurzî pyawetî kewtote destî lutfîPen name to
bo weten xot gyan fîda ke çatrî hîç kar nîye