kurde boç daym denałênî le çerxî řojgar
From the Book:
Dîwanî Lutfî
By:
Lutfi (1905-1989)
1 minutes
596 views
kurde boç daym denałênî le çerxî řojgar
gişt kiz û damaw û ’aciz řeng zerd û lêw bebar
kurde derdit zor girane bê dewa û hem bê tebîb
çarey xot ger nekey zû mał wêranî řenc xesar
xawenî çen hoz û tîrey mułkî çak û řizqî zor
keçî her tûy bêkes û birsî û bê cêge û dyar
seyrî mêjû ke bikey ey kurd me’sûmî feqîr
çak ezanî çon buwe şêrî kurdî namdar
nenge bo tû çawekem seyrî ḧałî xot bike
çen perêşan û zebûnî tabekey giryan û zar
’alemî ẍeyre be carê pê geyî her to nebê
maytewe bo jêr çepoke wek hetîwêkî hejar
besye xoxorî lenaw ben toyê ajawe û nîfaq
wek birabin řojî tengane le her goşe û kenar
řapeřn giştan be carê bo şikohî qewmî kurd
desxene naw destî yektir xełkî ladê û ehlî şar
bo fîday xakî weten lutfîPen name were meydanewe
sed şukir çawî hełêna îmřo kurdî hoşyar