ey çaw be to çî řuxsarî dulber
nazk nazdaran
From the Book:
Dîwanî Lutfî
By:
Lutfi (1905-1989)
2 minutes
720 views
ey çaw be to çî řuxsarî dulber
dwayî ’umirte hey xakit beser
be to çî şadî bezmî diłdaran
be to çî seyrî baẍ û gułzaran
betoçî geştî çîmen û gułzar
ke to gîrodey be dawî řojgar
be to çî řuxsar řûy mehcenbyan
qamet wek ’er’er şoxî şîrînan
betoçî şayî û seyran û suḧbet
boxot binałe le kuncî xełwet
be to çî guł geşt fesłî beharan
ẍemze û nezaket nazk nazdaran
be to çî seyran kanî û kanî aw
bêstan û baẍan ser şet û şetaw
ey dił heta key to xeyał ekey
le suxmey ał û memkî zerd wek bey
le yadit der ke bezmî ’aşiqan
emcare were ser zîkirî ya řeḧman
taze zînetî dunyat le des çû
meyxere yadit ’umrekey pêşû
le xew hełsite bê xeber mawî
le hawřê kanit zor becêmawî
çawit hełbiře damawî hejar
bike be serda xakî řehguzar
xermanî ’umirit me’lûm babirdî
em çerxe çî wîst ewa pêy kirdî
řoj û şew da’îm zîkirî xuda ke
terkî zînet û ḧubî dunya ke
secdegaheket teřke be xwênaw
bigrye le dax ’umrekey fewtaw
dił wek awêne pak bike le ẍeş
ẍeyrez zatî xwa têy nekewê beş
lutfîPen name hîç îşê be hewa nabê
takû şertekan gişt neyêne cê