diłe şîwen ke şîn bo to çake
From the Book:
Dîwanî Lutfî
By:
Lutfi (1905-1989)
1 minutes
479 views
diłe şîwen ke şîn bo to çake
hawřêkanî to dîlî jêr xake
qet damenîşe ẍafił bê xeber
katê le nakaw mergit dête ser
xot muheyya ke ḧazir be da’îm
bo wełamî xot pişt beste qaym
xerîkî fîkir û zîkirî xuda be
le kirdey xirap dił tewela be
zîkirî xuda ke heta etwanî
le des to derçû em dunyay fanî
peşîman be to le karî xirap
bigre řêgey řast řesûl û esḧab
peyřewî řêgey xasanî xwa ke
be dił bo îman to temena ke
eger bê tewbe nekey le gunah
me’lûm řû zerdî bê pişt û penah
ełêy hey hawar małî wêranim
le kirdarî kon zor peşîmanim
lutfîPen name besyetî giryan û hawar
řû bike dergay zatî kirdigar