destim le gerdenî xot hełmegre ey ḧebîbe
From the Book:
Dîwanî Nalî
By:
Nali (1800-1877)
1 minutes
5960 views
destim le gerdenî xot hełmegre ey ḧebîbe!
webzane xwênî xome, ya mînnetî řeqîbe
ser berdebazî řête, ten texte bendî cête
dił meylî xakî pête, řoḧ małî xote, bîbe
to new şigufte werdî, min maylim be zerdî
to hemserit nesîme, min hemdemim lehîbe
şahênî dîde baze, mestî şerabî naze
diłdar û diłnewaze, diłkêş û diłfirîbe
ew tîfle xurd sale, her çende wek ẍezale
emma ke hate nexçîr, şêr sewletî mehîbe
dił pey deka nîgahî sehmî mujey syahî
řemzî hemû bełaye, ẍemzey hemû musîbe
ey çawî piř nedamet, dił piř ẍem û ẍeramet
bigrî, ke wişke sofî lem feyze bê nesîbe
ey xełwetî mura’î, bê řengî xud numa’î
řeng zerdî ’aşiqî be, nek zerd řû û şeqî be
nalîPen name lebî ḧebîbe hem tîb û hem tebîbe
xulaseyî lebîbe, fermanberî lebî be