to gułî kam baxî cana ẍunçeyî kam gułbunî
From the Book:
Dîwanî Şaho
By:
Shaho (1882-1971)
2 minutes
519 views
to gułî kam baxî cana? ẍunçeyî kam gułbunî?
serwî kam cobarî? xuldî xoşeyî kam xermenî?
ḧûrî kam qesrî cînanî? şoxî kam cennatî ’edin?
newřesîdey kam mekanî? dułberî kam meskenî?
ademî? cînî? perî to? ya melek ya ḧûrî ’eyn?
wa ewnde diłřifên û nask û sîmîn tenî
qewsî dû ebrot hîlalî yek şewe, kułimit suheyl
nûkî mujganit senanî sînedozî behmenî
bo çi be daym cengicoye dîdekey mexmûrî to?
’adetî çawit wehaye ya ke xot wa piř fenî?
wam le beḧrî ḧîreta bo le’lî lêwî ałî to
mexzenî mercane aya ya ’eqîqî yemenî?
durcî ełmase demit ya lu’lu’î honrawye?
wabrîqey awî çaw dênê ke lêwit pê kenî
goy zeqen ya sêwe sûrey naskî bustanî gyan
topî guł ya ẍebẍebe? gułbaxî nazdarî minî
dûşew û dû subḧî sadiq pêkewe teşkîl eken
marî dû zułfî ke aławin le dewrî gerdinî
nîm nîgay çawit ke wextê dête cewlangahî naz
’alemê dekujê be nêşî nûkî sungî cermenî
çîn le ser çîn, çînî egrîcet le ser řuxsarî to
mahî tabanî xecałet kird be bişken bişkenî
tîşkî řojî řûmet û sîney bilûrî safî to
day le her kes gyanekem sûtandî, řoḧî lê çinî
to leser kam mezheb û dînî? ke swêndit pê bidem
mûsewî? îslamî? şê’ey? ’îsewî ya ermenî?
to xwa û ’îsa û miḧemmed! to ’elî û mûsa û ḧusên!
derdî karî min dewa ke! gułbiden her çî henî
to be yek ’îşwey nîgahit xo minit dêwane kird
pêm biłê çît? saḧrî? cadugerî? ya kahînî?
sêwe ya lîmoye ya mem ya henarî guł be dem?
wa leser sîney letîfit xiř buwe bem eḧsenî
şayqPen namet pêkirawî tîrî nazî çawî bazte
boye wa xwênawî dił detkête cêy û damenî