subḧî newroze û gulistan sebiz wixoş û xuřřeme
From the Book:
Dîwanî Şaho
By:
Shaho (1882-1971)
2 minutes
474 views
subḧî newroze û gulistan sebiz wixoş û xuřřeme
asman bê toz û gerd û saf û cwan û bê teme
sa le xew heste desa dey gułřuxî xoş xet û xał
bê tecellay řûyî mîhir arat, cîhanê mateme
subḧî cejnî wa mubarek řojî ’îdî wa se’îd
badeyî řengîn ḧełałe, xoşe maçî ew deme
derdî ’aşiq sa dewa ke! ey gułî sîmîn ’uzar!
bo şîfay zamanî dił, ’ennabî lêwit merheme
şarî dił mexrûb û mułk û mîllet û mewtîn xirap
herçî bo te’mîrî bikirê çawekem hêşta keme
çawî piř xawit hełêne! nîm nîgay lutfê bike!
seyrî kurdistanî xot ke! çend peşêwe, piř xeme
wextî dewrî întixabî tazeye dîsan le new
mîllet û mewtîn firoş kewtûne kar û cumcume
ta ledes neçuwe, ’îlacî ’aşiqî diłdare ken!
întixabî yarî diłsozê biken ta nebête hemheme
herçî te’qîbî selaḧî ḧał û małî xoy nekat,
axrî îşî ebête mesxere û gałte û geme
her kesê kes bê, bese em nîkte bo ew ta ebed
ger bemeş ḧałî nebê, bê sûde beste û zemzeme
derdî dił zore beyan nakirê leber tengî mecal
dîze ba derxûne bê, ta dûre wa bê em deme
bê mudara zeḧmete biçye meqamatî bułind
şahoPen name emřo sebre bo babî te’alî sulleme