dił nexoşe întîzarî hatnî diłdar eka
From the Book:
Dîwanî Sabîrî
By:
Sabiri (1881-1944)
2 minutes
946 views
dił nexoşe întîzarî hatnî diłdar eka
meylî seyrî mîwehat û sêberî gułzar eka
řebbena sa to ḧekîmî ḧazîqî çarî bikey
werne derman û du’ay bêçarekan key kar eka?
xoşe sûtanim be şem’î řûmetî perwanewar
çunke siftem def’î lekkey ayeney diłdar eka
çawî bîmarî diłařamim meger řeḧmê bikat
werne derdim sed çû luqmanî ḧekîm bêzar eka
ta edîbî çawî, dersî sebir û ḧîlmî pê witim
dił leber ew çawe teḧmîlî hezar azar eka
ya xuda em derde tûşî dujminanîşim nebê
çunke te’îsrî le dunya û qyamet kar eka
ey musułmanîne celladêke manendî nîye
her be yek dem set hezar ekujêt û zû înkar eka
ełbete xaksiterî pê lazme bo awêne
boye ew diłdare bo sûtandinim îsrar eka
turfetul’eynê be naḧeq sed birînim lê eka
tîrekey axir le ewweł def’e çatir kar eka
dił hezar azarî bînî ye’nî çî xoşḧałe pêy
yar ebê çî bîstibê ya řeb ke xoy bêzar eka
ta lekin duxturî çawî dił wesîqey wernegirt
serbexo key ’ezmî mîwey gułşen û gułzar eka?
sabîrîPen name elḧemdullîla yar wesîqey dawe pêy
serbexo her emser û ewser le nêw gułzar eka
sabîrîPen name bê arde baraşî xemî nakate aş
şew wekû ’areb be bîllahîlkerîm destař eka