şew şem’î nya şewray şemaran
şîrîn şemaran
From the Book:
Şî’rekanî Turkemîr
By:
Turk Amir (1750-1820)
1 minutes
1130 views
şew şem’î nya şewray şemaran
naga nameḧrem wa da we yaran
tefeřuc pey tîp tuẍray ḧîtaran
sef sef çî ser san sipay serdaran
zîweş kerd weban narincî naran
biderî je řwî ew birç medê caran
xase xanmê je xizmetkaran
ḧûrasa je tîp ḧûrî ḧesaran
tas û mas û mişk masî metaran
awerd pey serşûř şay ser qetaran
gird gułçînî, ’etir ’etaran
řêzna erpay ře’na nazaran
guławpaşîy çetir parçey ełwaran
mer şîrîn ne ḧewz hersîn her caran
şistişûy şi’rîyen şewq çî sitaran
mer lewla pil pêç twîlk çinaran
řûşnî şu’ay şułey simsaran
mer ne şewsan daray bin daran
besir çwî ceyran le merẍizaran
ne’ûzen pey nezim nimazguzaran
şefînş şefay derd bêmaran
î’caziş enwar mesîḧa daran
kyana je qewr mirdey mezaran
ey mesîḧadem je dîre daran
aya îḧya kê çen jew hezaran
kiław je gîsûy kiławpûs daran
siř ewa weban bîçî emtaran
gerd gułçînî ’etir ’etaran