îbtîda be nam padşay zu alcilal
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
4 minutes
574 views
îbtîda be nam padşay zu alcilalArabic
îcad kunnidey řoj û mah û sał
cemî’ zîřoḧat temam kerd îkmal
çe ketim ’edem awird weřûy ḧał
heşt beheşt çe lutif saza weder ḧał
fîrqey se’îdan mekeran îdxal
hefit dozex saza weẍezb al
pey giroy şeqî fîrqey bed ef’al
murẍ derûnim daro çend xeyał
şî’rê tertîb kem nadir alamsalArabic
amadem kerden çe daneye lał
perê seřafan danayan ḧał
çe bê ham ferdî cergim bî zûxał
we ey lefiz xoş kes nîyen meyal
ne hîç girohê nemenden eqwal
gişt bî we mode ḧeya paymał
herkes daşte bo serwet, mułk û mał
her ew meqbûłen ne řûy mah û sał
er sed ’eybiş bo be wêney ẍirbał
mayşuf ’ih yibih wih la yidîr balArabic
meraq we ḧeram bêzar ce ḧełał
dewr nakesen zemaney deccał
’ebes bêhûden çe bext û eḧwał
daym me’yûben şexis feqîr ḧał
ře’îs we řîşwet ḧukam kird îẍfał
çwar qapî meẍlûq nîyen řay mecal
mer dad feqîr pirso bê zewal
kes çe qisey heq nimeko su’al
yekser naqîsen tirazûy mikyal
mer zat mehdî heq kero îrsal
kwanê sełtenet dał îbin dał
we kona lwa zordar sełsał
çend hezar şahan kerden îrtîḧał
al û ’eyalş gişt bî paymał
kes fexir neko we bext û îqbał
wedest heqen kirîm alxisalArabic
yekser bê şermen neswan û řîcal
çe hezar yekê merbût we ḧîbal
daym fexir eken tocař û beqał
we kurd maçan ...Missingr we ’ereb ...Missingli
’aqîbet miltan mebo we xiřxał
ḧazren peytan cagey sya çał
ah û henasey gişt mał û mindał
yekser çe gerden merd bê kemał
kotahîş nîyen hîç ey qîl û qal
mer xuda qur’an nekerden înzal
we wasîtey cibrîl peyk xoş xeyał
ta key dewam ko ey ceng û cedal
yek nebî û qîble xuda saḧêb qal
anma almumnun axuة timsalArabic
yektir qetił meken perê dû řyał
çew bone meḧu bîyen îstîqbał
ecanb senden temam îstîqlal
çe xewf meḧşer gişt farẍ albalArabic
çe fitway naheq dunya bîyen tal
mu’minî salim nîyen yek řêcał
eger mendebo bê gurz û gopał
îslam bê behre temeł û teřał
sen’etşanen gidayî û swał
ecanb be ’eqił be qwey fe’al
dunya xapûr kerd çun řostem zał
meẍrûran nadim bîyen înfî’al
eş’arim mewzûn nedaro xelal
’alim û axûnd dîn kerd îḧtîlal
we dû new’ medan hem bang bîlal
dyanet mefqûd sya bî hîlal
mebo bikêşîn ey derd û melal
meger ser çe no bang kero dełał
esas zubde keran îstîkmal
wirne bêhûden meḧałen meḧał
ḧedîs qal alilhArabic temam ker betał
esasen nebî waten ey meqal
min medîney ’îlim ’elî qapî mał
qebûł nedaran fîrqey gişt cîhal
firawan kerden î qetił û qîtał
er xuda çe ’ebid wêş nebo xoşḧał
řecay pêẍember bêsûden ’ebdał
er emir xalîq bişkinî ḧeyał
çe ko mewînî to ’eşq cemał
kilîd qapî cennet ’ale li’al
we bad zuban waz nimo ḧemał
er çend feqîr bî kisîr al’yalArabic
wemał ḧeram to meber meyal
we řoj wa’zî sarq allyalArabic
we temay ḧorît wey ḧał û eḧwał
esrar heqîqet ḧel nimo we su’al
ne we serf kerden serwet, mułk û mał
ta gyan nekêşî xûn nexoy sed sał
to lem qal daxił nakirêy we ḧał
kafîyen mełła zuban biker lał
#
elfeqir û fexrî poşagit bo şał