bira gyan ḧeyat
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
404 views
bira gyan ḧeyat ...
yawa pêm namet çun ab ḧeyat
eḧyam kerd zinde neřûy ser be sat
wanam ser ta pa we keyf û neşat
xuday ban ser mekerot xełat
layqen wenet ey beş û berat
wexten cey gerdab fanî bîn necat
cey sał marda we’dey zuhûrat
delîl qatî’ mekero îspat
sef mêrdanen řemz û řimûzat
wełewkin dûrim řoḧim ha çe lat
ser û mał fîday gerd xak û pat
ẍayet diłşad bîm çe ey îltîfat
me’lûm zyad mo keşif û keramat
ce lay munkîran naçî mełła wat
şewq û zewq bitûn zyad mo çe lat
gişt weyek şad mo ḧeyat û memat
kelb hoşyarim ce qapî dergat
wehîmmet to watim ey ebyat
werne perpûtim bê destiga û ałat
do’a gotanim bendey sena xwat
do’am pey kere meqbûłen řecat
ser wêney gełay dar û nebatat
meřêzo wehem çenî turk û tat
daym hoşyar ber nefis neko îẍmat
zarî û waweylan perê munkîrat
kelley załman mekyanan soqat
sergerdan mewan we tełxî ewqat
yekser giriftar zukûr û benat
wa heq zuhûren şadî bo xenat
her çwar kitûbat încîl û tewrat
bê qedir û qîmet webê keramat
nîşaney wêşen ustad sen’at
’efû ker qisûr darom ẍełetat