kak ḧacî yawa
name bo mam muḧemmed derwêş ’elî
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
538 views
kak ḧacî yawa ...
eş’ar xoşt we destim yawa
weqit ’esir teng wer ce xor awa
çun xak ke’be wedîdem sawa
xaney zemîrit ya heq bo awa
tom nyan çe şon gişt bira û bawa
umêdewarim we xwacay kawa
diłşadman kero bê ceng û dawa
çe dûrî dîdet cergim çun qawa
řistaxêz mebo çe qapî fawa
esîr meḧkûm qeryey topzawa
pey cemî’ yaran dest we du’awa
çe pejarey dił nedarom xawa
wexten saḧêbman beyo çe lawa
munkîr terd meken çe qapî kawa
firyad řes ḧazir pa çe řikawa
wexten xełas bîn çe î ajawa
necatman bibo çey qîl û qawa
we’dey sał mar kiryan ḧesawa
bîst hefit řoj menden we’de tewawa
her kes tek bido weyar qeława
hîç nîyen weteng derd û beława
wêney beyan quş mesken kelawa
xastiren çe qesir zêřîn teława
namûs û ’arim nyan we lawa
nyenan we qeyd watey xerawa
ḧacî gyan cagem quř û zwîlawa
ha leşkir îman kerden biława
du’ay xêr biker pey î řûsyawa
çe her çwar etraf ordî cimyawa
bê şewq û bê zewq derûn sûtawa
gişt bał û peřim yekser řûtawa
îzhar bî we’eyn ḧerf kîtawa
yexan metawno giřey hetawa
yekser lêł bîyen çeşmey serawa
dînşan fewtinan seyîd û bawa
maman çenî yek meken ’edawa
mebo noş kerîm pyałey zûxawa
encamş mebo şehd û şekirawa
ne sebir ne taqet lalam nemawa
#
ze’îfelbeser cergim biřawa