ewa sułtanî newrozî supay tîp tîpî hênawe
From the Book:
Dîwanî Mîne Caf
By:
Mine Jaff (1911-1965)
2 minutes
552 views
ewa sułtanî newrozî supay tîp tîpî hênawe
řengawřeng jałe û nergisî le deşta xeymeyî dawe
be sirwey bay nesîm kawan şikawe textî yexbendî
le layê zayełey teyre le layê hajeyî awe
le laye zîřeyî qułinge le layê ne’reyî şahîn
le layê qîjeyî kotre be çingî bazî şehlawe
le layê xwêndinî swêske le layê qehqehey poře
le layê qaspey kew tê le tek fecra têkławe
le ser ewrengî zumřûtî le seḧrada ełên nergis
wekû sułtanî newrozî le ser tacî tełay nawe
dełêy egrîceyî pexiş û perîşanî nîgarane
şinoy egrîceyî şewbo eşnyo be dem bawe
be řengî xałî awdarî serî gonayî gułrenge
le řûyî lale ew xałey be naz û ’îşwe nexşawe
çya řazaweto wek bûk dełêy em bûke mexsûsî
keway sewz û kirasî sûr û suxmey zerdî poşawe
le batî çetfey surme benewşe çarekey kołye
çi şîrîn taze bûkêke be guł çarşêwî dadawe
biřon yaran temaşa ken çemen arayşî xoy kird
be guł řengîn buwe dêjê beheşt hatwete dinyawe
le pirşey řengî ’aqîqî gułe zerde ebêt ḧeyran
seḧergahan ke xor hełtê û aw û awingî lêdawe
be şu’ley xur ełyê mirwarîye şewnim tirîskey tê
gułe xaşxaş dełêy le’le û we ya pîroze řijyawe
temaşay baẍ û gułşen ke diłî sed dił deka ḧeyran
dełêy wa cennet û fîrdewsî le ser erz cîlweyî dawe
wekû awazî semtûre seḧer bulbul enałênê
be řengî kułmî meḧbûbe be peřey guł ẍunçe pişkawe
nimûney perçemî şêwawî pexşî şoxî tennaze
peşêwîy sunbul û nesrîn û sosen wa be şeydawe
le ser sefḧey gułî şest peř enûsê xameyî sosen
be emrî ḧeyyî dadare «emîn» em řenge řêjyawe