řefîq waçe pêm
From the Book:
Dîwanî Mîne Caf
By:
Mine Jaff (1911-1965)
2 minutes
459 views
řefîq waçe pêm ...
bayu pey řezay xwa waçe pêm
lway we pêşwaz ’êlî cafewe
nedît nazarê bey ewsafewe
nedît ahûkey tûnî herdey dił
çem syawekey ser delîley dił
nedît ew dilber aramî gyanim
mayey zînganî û řoḧî řewanim
nedît ser başqey gişt kurdewaran
nazarî ser xêł dîde xumaran
ew gułbaẍî baẍ sehen perwerde
teşrîf şefayî êłaxan berde
ew bała ’er’er perwerdey gułzar
ew tûba qamet ew serwî selar
waçe mer nedît ew newnemame
ew terlan tewaw qumrî xerame
nedît şîfay derd diłey ẍemgînim
nedît mayey keyf řûy serzemînim
mwaçay lway to we nuway ’êł
neyaway we koç şoxekey ser xêł
nedît leyl ama ce êlaxewe
çun şabazî weḧiş we řûy şaxewe
nedît bew ebroy hîlalî yekem
bew řuxsar wêney bedrî dû heftem
to yaway we koç we řaguzaro
nedît qîblekem we tilmît baro
bew bejin û bałay şox û şengewe
bew şêway şîrîn leyla řengewe
bew ẍemzey dił doz çun xedengewe
bew dîdey xun řêz pa we cengewe
çun ahûy xoten nesa sił kerde
řûmet wêney mang bê pena û perde
nedît nepersa ce ḧałekey min
ce kizey derûn zûxałekey min
nepirsa hewał xestey meylekeş
we sizay dûrîy derûn keylekeş
ce seylî zûxaw diłey nimînim
ce zarî û feze’ zayełe û şînim
ne çexmaxey êş zamanî karîm
ce nałey we soz şewan bêdarîm
ama ce êlax wêş wêney leyl
newat ha ce ko qeysekey duceyl
’ewdałî xembar zedey derdekeş
we sizay dûrîy derûn birdekeş
newat ha ce ko mînePen name y syabext
bîmarî dił řêş girtey zam sext