nesîm mûnîs gêsûy nîgaran
From the Book:
Dîwanî Cefayî
By:
Jafayi (1835-1890)
2 minutes
526 views
nesîmî mûnîs gêsûy nîgaran!
meḧremî emîn asaney yaran!
bo bidye eḧwał ceste û dîde û dił
derûn dûrî dos çêş kerden ḧasił?!
ceste mubtelay derd bê dewan
ne dest ḧîkmet luqmanî lwan
seyl çem nałey sext diłey wêł
’eyanen ce dîn nehir derûn lêł
dûy derûn çun tem yawan we kawan
şo we xidmet şay wefa firawan
çun yaway we cay bezim newhałan
seyrangey piř boy nafey ẍezałan
binałe we yad ey bedbextewe
zelîlen we des ḧał sextewe
çî hamferdekey saḧîb ’eqił û fam
hamderd û diłsoz piř şerit û wefam
dił «şehîd»y ’eşq miḧbûbî şîrîn
meḧremî ḧerîm ẍezałey muşkîn
zû mebo bêdar bişo we temkîn
tefsîl eḧwał cefayîPen name ẍemgîn
da’im alawqatArabic mujey çem nimîn
beyan ker ce laş we sed soz û şîn
er wefaş çenîm baqî mande bo
meyo we ḧizûr diłber çenî to
weş şinoy ẍîret wefaş mexêzo
esrînan we taw ne çem meřêzo
çun çenî hamferd yaway we ḧizûr
asaney diłber şay dîde mexmûr
çun cîlwey xurşîd toy tar seḧer
ne toy derîçey qesir munewwer
ser maro ne der minmano cemîn
miperso eḧwał xestey dił temîn
dexîl bwaçdê ḧałş çi tewren
wicûdiş nebîr dûrî to ẍewren
îradey amay me’way to daro
bełam paş quwey řeftar nimaro
se’at mîqat dił leyl û nehar
deqîqey fîraq mekero şumar
pey wesił ahûy tuřřey muşk bar
zwanş çend ferd kerden we ezkar:
ay perê merhem meyl şîfader
pey gerd pałay dîde řoşen ker
pey boy muşk bîz zułf şîrîn řeng
dafî’ pey zukam bînî piř ce řeng
way pey pyałey sefa bexiş dił
dewayê derûn piř ne pêç û çił
nesîm ew merhem ew gerd û ew bo
bawere perêm gyanim fîday to
beł we bê ełem be wesiłş şad bam
dił ne bend xem dûrî azad bam