nesîm bê kesim
From the Book:
Dîwanî Cefayî
By:
Jafayi (1835-1890)
2 minutes
792 views
nesîm bê kesim...
bo we îmdadim! nesîm bê kesim
sîway to nyen kes firyadřesim
diłsozê çun to nimegno desim
bo bidye cestey suftey qeqnesim
ga serdî gahê germî nefesim
qesir dił weşî we xem heresim
nałey diłey zar wêney ceresim
ḧebis hîcran çun teyr qefesim
peřey ciger piř ce xar û xesim
bişo we xidmet ahûy çaw mesim
ẍezałey diłan dos newřesim
misparût we ’eşq ahû peresim
we sewday diłey ce wê weřesim
nesîm çun we qesd min wiyerdenî
perê kesasîm ḧesret werdenî
te’sîrş kerden azarim ce to
heway bałet boy derdanim mido
ce dûr dyar day dos dił şinas
maço nesîmen minało kesas
sa er serḧełqey muşkîn ẍezałan
mende bo ce laş meylekey sałan
ne poşabo berg xûy bê wefa’î
meperso wenet ḧał cefayîPen name
er weca awerd řesim wiyerde
persa waçe hey we naz perwerde
kesê ewsa mest wesił diłber bo
sêraw sêław gyan perwer bo
dił kałay ałay şadîş ne ber bo
derûn mesrûrîş ce ḧed ewder bo
menzerş cemał perî peyker bo
zyay dû dîdeş her bew nezer bo
mişêw ce dûrît çon bo, çêş kero?
şew û řo çenî kê we ser bero?
îse cefayîPen name derûn ce xem keyl
wîrdiş her êden çi nehar, çi leyl:
ay we heway sext serd zimistan
hîcran cemał şay dîde mestan
ceste mubtelay hejar derde wêm
dewłet şadî tełef berde wêm
zanûy dił ne heř beła ẍerqe wêm
we berq fîraq ta ferq ferqe wêm
bewr firawan cewrekey gerdûn
girten seraser wiłat derûn
wişken pêş dirext baẍ diłweşî
kişt sefay deşt dił we fena şî
tem xem poşan yekser koy ciger
meḧałen xeyał wîsał diłber
er neş’ey heway newwehar meyl
leyl huweyda bî pey qeys duceyl
bewr derûn berd ew fezay ’edem
koy ciger xałî bî ce tem ẍem
baẍ diłweşîm temam hordawe
sewzey saray dił taze serdawe
zanûy dił neheř beła azad bî
we dînî dîdey diłber diłşad bî
’umrî dûbarem ew dem mektûben
’eyş û zîndegîm ewsa meḧsûben