ẍunçey muradim
From the Book:
Dîwanî Cefayî
By:
Jafayi (1835-1890)
1 minutes
499 views
ẍunçey muradim...
xende kerdewe ẍunçey muradim
çun bułbuł bew guł xeylê dił şadim
’etirş berd zukam bê ḧed û dadim
şîfa da we êş derd fesadim
zanûy dił ne bend xefet azadim
şêwna xerman xeman binyadim
kotayî awerd dad û firyadim
deşt sirûrî derûn guşadim
’ewdet kerdewe ’umir berbadim
meyl diłberen yeqîn îmdaden
bo we masîway şyen ce yadim
wext řextişen bext newzadim
pewke ey ferde byen ewradim:
dexîlen diłber! bała şimşadim
henî ta merden meker naşadim