şîşey dił ce mey ’eşq şahîd keyl
name bo şehîd
From the Book:
Dîwanî Cefayî
By:
Jafayi (1835-1890)
1 minutes
326 views
şîşey dił ce mey ’eşqî şahîd keyl
hamsayey sewday qeysî lêwey leyl
yarekey yaran pey yarît muştaq
dos ba wisûł ce beynî ’uşşaq
cewran dewran gerdûnekey dûn
tefreqey fîrqey yaranî meḧzûn
ḧasił kerd, gird bezim berd ew say ’edem
her yek mubtela kerd we sed sitem
min werda ew gêc deryay mehcûrî
to ew pêçî sext řay saray dûrî
dirextî diłey to we berqî fesił
pare parey min meḧrûm kerd ce wesił
noşa we min zehir fîraqî ebed
poşa we bałay to bełay bê ḧed
min wist ew telîsim ser we fena der
men’en xelasîm ta yum alimḧişirArabic
to werda ew toy řay hat û nehat
meḧałen perêt řîc’et û necat
şew û řo ce taw êş ey derde
wîrd zuwanim byen wey ferde:
ay ce mekir û keyd çerx seringûn
tefreqey yaran çon berd ew derûn?