derûn ce lezzet wesłî diłber dûr
From the Book:
Dîwanî Cefayî
By:
Jafayi (1835-1890)
2 minutes
717 views
derûn ce lezzet wesłî diłber dûr
kamî dił ce tam ḧelawet mehcûr
werdey meweddet gewrey şazadan
gîr awerdey dam şîrîn seyyadan
sitemdîdey ’eşq serdarî xasan
zedey şestî dest şay dił şinasan
menfî kerdey kîn çerxî bê însaf
ce emlak meyl melek zadey cafNamed-Entity
«meḧrûm» ce meqam muşahedey yar
me’îwis guftar ḧelawet asar
dił guzergey geşt zewar ḧesret
ten cîsir me’ber eḧşam meynet
meskûn kûçey şar mesa’îb
tîcar bazař bełay ’eca’îb
îste berq şems pêşanî şîrîn
nûr mehçîhrey şox nazenîn
mestî bê saman ’eyn mexmûrş
sifîdî gerden nûrîn bilûrş
ad ce ahuwan sercem bac sende
êd ce sifîdî ’ac xerac sende
ne wêney ewsan dîdey to dyen
cîlwey diłberş ce ḧed berşyen
her sat we terzê cîlwe minmano
gyan û dił ce gird ’aşiqan sano
çend kes gîrodey îşaretêwen?
çend hezar bendey ’îbaretêwen?
çend wêney xesrew werdey mobeten?
dax we gił berdey şîrîn şerbeten
çend kemer bestey xidmet çun «behram»
girten asaney şoxî «guł endam»
şu’ley cîlwey naz şehzade asaş
şîrînî ’îşwey nasan şinasaş
gahê ten ne toy elbîsey ẍezeb
ne ser qehir qetił ’aşiqan ’eceb
gahê ne ser text îstîẍna nîşte
celad mujgan hezaran kuşte
gahê bê meylîş kero îşaret
pey sefay diłan cerîme û ẍaret
ga xełatî meyl kero ḧewałe
ber mişo ce wîr cefay sed sałe
ga ne ḧelqey bezim cergey ehlî dił
meyl saqî qesir weş sefa û menził
berxêzo we naz we sed meylewe
des we pyałey ce mey keylewe
we meyxiwaranda mey dewre dero
te’sîrî badeş girdîn mes kero
sîway to meḧzûn wem derd perwerde
«ełwend» xem bêx sefay dił berde
perê meḧrûmît ce bezim yaran
xem xefet ḧesret şay dił ewgaran
kew ḧałit ne hîcir şay şîrîn cemał
çon bo ney demda wêł û dił mełał?