çêşen dił aro sirûrê daro
From the Book:
Dîwanî Cefayî
By:
Jafayi (1835-1890)
1 minutes
311 views
çêşen dił aro sirûrê daro
pêşanîş şadî weneş mewaro
bêdaren nexaw xefet ney serwext
bełê şay bextim aman neser wext
fełek webê keyd dewrê da perêm
şad bîm we dîdar diłdarekey wêm
dił weḧelawet nuqił neqil yar
tałî mezaqiş yekser kerd fîrar
mezey mey meyliş derûnim mes kerd
bew mestyewe mwanam çend ferd:
kên tac şahîş aro bo neser?
kên yawan wekam wesił weş semer?
zanûy dił azad ne zincîr derd
ney demda kê bo yaran hamferd?
kên cefay zatîş yekser luwa bo?
diłber we barey wesił bałay to?
sîway min - ahûy dił ce mobet keyl!
fîdat bam sed car saḧêb wefaw meyl?