ta sułtan ḧosin to ne celal bo
From the Book:
Dîwanî Cefayî
By:
Jafayi (1835-1890)
2 minutes
718 views
ta sułtan ḧosin to ne celal bo
mişêw çend çun min bendey melal bo
ta muje û ebroy to sehim û qews bo
mişyo hezarê yageş fîrdews bo
ta nîm nîgay ’eyn mestit ’eyanen
me’lûlî hezar ’aşiq beyanen
ta gonat çun guł piř nezaket bo
mişyo çend çun min bułbuł ḧałet bo
ta desey gîsûy to ’enberîn bo
tîp perçemit sercem muşkîn bo
her kesê beyo ne bînîş ew bo
meḧałen we boy weba derdîn bo
ta ew le’lî ał yaqût řengî to
bwîno her kes diłş piř hûn bo
ta bilûr saf bê gerd gerden
to piř şefaf bo pey cîlwe kerden
mişyo çend çun min gerdinş keç bo
pey îta’ey ’îşq ḧusnî sîmay to
ta qetarey xał wenewşey weş terz
to neş’e bexşo new gerdin berz
toy ciger cergey derûn piř xaran
piř daxen perêt şay cîlwe daran
ta sefḧey sînet saḧîb sefa bo
mişyo sîneman piř ne cefa bo
ta ḧuqqey sedirit taze cela bo
mişyo ḧuqqey qełb min piř beła bo
ta bałay ałat bê xem binmanî
çareş her xemen seru bustanî
pey qed û qamet şořş engêzit
pey tuřřey şewřeng boy naf amêzit
pey dîdey dîdey ahuwan bêzit
pey badey xember bezim diłxêzit
çend hezar çun min xemîdey xemen
çen kes wêney min derûn piř temen