perwaney we şewq şêwey şem ma’îl
From the Book:
Dîwanî Cefayî
By:
Jafayi (1835-1890)
1 minutes
843 views
perwaney we şewq şêwey şem ma’îl!
destî dił we zeyl wesłî leyl na’îl!
kam dił? ce nuqił neqłî ew şîrîn!
meşam mestî boy tay tuřřey muşkîn!
leb şad we lezzet bosey le’lî leb!
dûr ce řeqîban wasił we metłeb!
to daxił we toy say xeymey emel
meşẍûłî mezey noşay weş ’esel
ne ser kef bilûr piř ce mey lebřêz
des dirûskerdey saqîy bezim xêz
bełam ême dûr ce bezmî saqî
me’yûs sehbay baqî we taqî
ser gêc sefray hîcran diłber
bê sikencebîn saf weş eser
çun dayey dewran perwerdem kerden
şew û řo daym wîrdim ey ferden:
pey to zeřřey cam, pî min kizey zam
şadî û şewq we to, şîn we min temam