ahû ah werdey dîdey mexmûrit
From the Book:
Dîwanî Cefayî
By:
Jafayi (1835-1890)
2 minutes
841 views
ahû, ah werdey dîdey mexmûrit
qemer, xicił berq cebhey piř nûrit
wefat çenî min menşûrî ’am bî
meylî leyl asat çenem temam bî
ta wadey wefat, wefat temam bî
meyleket celam e’lay meram bî
weşłe we ḧałim mwatin yaran:
řeqîban ḧesed mewrdin caran
ce naka kałay bê meylît poşa
mey bê wefayît çenîm hem noşa
boy tuřřey şîfay webay mewt eser
ce min penhan day ẍezałey diłber
îse day we bay xem perêm serdan
ḧesret ḧeraret ne cestem werdan
cey wer badey wesił to her çîm werden
ey derde girdiş penem qey kerden
dexîle sa dey wadey îḧsanen
şîfay azarim ce lat asanen
fêsekey nefîs yaqûtît keç ker
zahîr bo temam zułf bo ’enber
yexey suxmey xez xasey fereng kar
laber ce sîney safî cîlwedar
ta carê tirinc sînet ’eyan bo
neş’ey boş çenî boy ’enber boy to
pey pey beyo pey toy demax û dił
dafî’ bo perê ey derd muşkił
ce memłat we xas memlû ker qedeḧ
noşaş zû mibo we mayey fereḧ
sakin mibo taw ḧeraretî ten
necatîm mibo ce girdîn mîḧen