azîz mer îmşew neşneftî sed terz
From the Book:
Dîwanî Cefayî
By:
Jafayi (1835-1890)
1 minutes
780 views
azîz mer îmşew neşneftî sed terz?
nałey naqûsîm ce dił mibî berz
ha êste aman wadey mematim
mer badey meylit bido necatim
hełay mesłeḧet nîyen wefatim
ne arezûy wesił piř ce şîfatim
ceste û gyan û dił fîday wefatim
teşrîf bare pey qezay mafatim
we taqî tonî mayey ḧeyatim
hay aman, aman wextî beratim
«bidwazen» ne xaw řeqîban ẍafił
sa meramî dił min biker ḧasił
firseten subḧen neş’ey nesîm bexiş
diłberî kerem sehbay sefa bexiş
ce naka ama şoxî piř wefa
nimana cemîn camî piř sefa
dîde diłey zar xestey piř cefa
mujeş hordawe ce deway şîfa
badey wesłî wêş da pêm we kefaf
lezzetê berdim ce noşay mey saf
xelas bîm ne gêc beḧrî meḧrûmî
pewke wîrdimen ferd «me’dûmî»:
«hay we ferqî dîn zamdaran tac day
şerî’et meylî leylê řewac day»