şîrîn ce laten
From the Book:
Dîwanî Melay Cebarî
By:
Melay Cebarî (1806-1876)
1 minutes
1002 views
şîrîn ce laten ...
maçan deway derd dîyem ce laten
dîyem we dîyet ḧekîman waten
dermanî dîyem gerd lay paten
çen ḧekîman deway derdim newerden
maçan dûrî ton te’sîrş kerden
celay dînî dost nîyen tîşeya
derdî dûrî ton şîyen pîşeya
bełam wefat bam cay ẍem kurasan
dewa bexşî derd dîyey têş daran
mer nejneftenî ye’qûbî çun bî
le dûrî yûsif dîyeş çun min bî
naga nesîmê ne camey diłsiwaz
daş ne demaẍiş dîyeş kird we baz
toyş be ’işq ew şa şikilit nayaften
ew keseyş tesnîf hestîş to saften
badetî zułfan syay ser xemit
be’şiqî dû dîyey delîley řemit
gerdî tûtya tozî ne’leynit
pêkyan pey melaPen name piř wefa û meylit
bimałim le çem, sakin bim ne derd
peřî somay seyr xałanî bê gerd
melaPen name sewday seyr xałî to pêşen
dûr ba to newî, dîyem pey çêşen