seyrî ḧerbey ’eşqî canan ken ke hatote mesaf
From the Book:
Dîwanî Ḧemdî
By:
Hamdi (1876-1936)
2 minutes
598 views
seyrî ḧerbey ’eşqî canan ken ke hatote mesaf
ebruwe meh letkere mujgane tîrî dił şikaf
her ewel řoj ew xemî zilfaneym dî têgeyîm
hełxirawe bo diłî ehlî muḧîbbet dû tenaf
her şewê dinya ke xoy řazanewe ehlî dełê
mirduwe ew kifneye kirdûyete perdey zefaf
bo le gułzarî cemałim derdekey bê gułçinîn
qa’îdey cennet ke řuxset dane ta ḧeddî kefaf
maçî ser kułmî be dînî ême ḧeccul’ekbere
ḧeccî dûbare be carê her dû lêwî key tewaf
cîlwebexşî řewneqî subḧî wîsałe şamî hîcir
xołemêşe her be qelbî awêneydawe şefaf
bê şî’ir şîrîn nîye ger qûtî řoḧe wesfî yar
bê şekir deyxonewe fermû bizane şîrî saf
’eşqî şîrîn çake ferhadî be gij çerxa nekird
řahřew naka temaşa bêstûn bê kêwî qaf
medḧî xokirdin beyanî naresayî kirdine
boye naden qet hunermendan le dinyada gezaf
min sema nakem be dił şexis û ḧeqîşye çî bika
xoşî lê nayê ke nakem min beyananî xîlaf
ḧemdîPen name lem bazaředa sewday be dił kird nek xeyał
gewherêke qîmetî yûsif newek nîwey kełaf