ewî kes bê felek daym le xwênî xoy egewzênê
legeł «’ewnî» daynawe
From the Book:
Dîwanî Diɫdar
By:
Dildar (1918-1948)
1 minutes
821 views
ewî kes bê felek daym le xwênî xoy egewzênê
ke pencey şêrî negbet hat, řegî asarî derdênê
lejêr perdey sefabexşî le saqî bê desî gerdûn
be xoşîy mey hezar ’aqił xeyałatî xemî dênê
ke talî’ řoyî negbet hat, tebî’et qa’îdey waye
le çîmenda çeqeł hełsê ebê şêrêkî bişkênê
le sayey bextî bedbextî zemane, her kesê kes bê
nemamî darî ummêdî be sed mîḧnet elerzênê
de sa tîrey beşer seyrê le perdey sînemay jîna
be řengî sûrî xwênî geş çi gułgûn řengî denwênê
ẍerq bûnî hemû kes her lenêw awe bełam bo min
be ’eksî qa’îdey ’alem hewa masî dexnikênê
egerçî xwên řijan naxoşe, emma, min lelam xoşe
eger xwênê řija emřo, sibeynê lale eřwênê
lenêw dinyay emel ’ewnîPen name be ’ezmêk û nîşatê be
de sa ferze etoş diłdarPen name diłî sistît bifewtênê