azarim ce wêm bêzarim kerden
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1556 views
azarim ce wêm, bêzarim kerden
řewyey řemezan ce yadim berden
cewsawe nîyet řozem awerden
hîç azam ce hîç zorş newerden
ne çem ne dîden azîzî bêgerd
ne goş ne seday yaranî hamferd
şîrînîy îftar diłim tałîyen
cam ne cema’et dosan xałîyen
neway merḧeba naman ne goşim
çenî elwedaş her ne xiroşim
zayfîm her yend ce ḧed berşîyen
nesîm er barom ’ecayb nîyen