çunke îqlîmî fîraq ab û hewayêkî nîye
From the Book:
Dîwanî Salim
By:
Salim (1800-1866)
1 minutes
587 views
çunke îqlîmî fîraq ab û hewayêkî nîye
baẍî pejmurdeyî dił neş’unumayêkî nîye
řûm le mîḧrabî biro se’be le hîcra keç bê
padşeh wek diłî min qîblenumayêkî nîye
zengî mîr’atî diłim şahîde eyyamî fîraq
ayneş bê řuxî canane sefayêkî nîye
nutqî perwane debestê beyeqîn şewketî şem’
piř diłî derde desûtêt û sedayêkî nîye
çunke bo nûrî wefa talîbe perwaneyî ’îşq
ẍeyrî şem’î diłî min meylî çirayêkî nîye
subḧî wesiłit keye ta kulbeyî min řoşin ka
xo çiray ’umrî ’edû badî fenayêkî nîye
załî dinya ke be bê ’îdde besê şewherî dî
lade lem faḧîşe ey dił ke ḧeyayêkî nîye
lezzetî wesłe bika çare weya şerbetî merg
bê yekê lem duwe derdim çi dewayêkî nîye
fîkirî derkirdinî bê ḧacîb eger zułme besê
salimPen namey ẍemzede cuz ew dere cayêkî nîye