qubbey heyase
From the Book:
Guɫ Estêre
By:
Kameran Mukri (1929-1986)
1 minutes
608 views
espekem taw edem beguř
beser keja, řûbarî xuř
êwareye gird wekû mis
le şiney bay germ weřs
mang wekû qubbey heyasey zîw
egeřê şexeł, deşt û şîw
hegbekem piře le sûtû
le xołî meçekî mirdû
metarekem piř le esrîn
egeřêm diłim keylî qîn
espekem çwar pelî wek xwên
řeng eda le gelê şwên
minał wekû pepûley wird
komeł ebestin leser pird
be tałî zerdexeney sûr
etenin lêm pirdî řêy dûr
dyarîm pêye xêra diř den
emrîn bo êwe û bo weten
espekem taw edem beguř
beser keja, řûbarî xuř