şî’rekanim
From the Book:
Guɫ Estêre
By:
Kameran Mukri (1929-1986)
1 minutes
736 views
ełên şî’rî min betamin
çiroy dirextî hîwamin
wekû behar teř û biřn
řengîn û cwan, germ û guřn
heyane şînêkî kałe
parçey asmanî xeyałe
zerdî xefetî jyane
sikałay azarî gyane
sewzî kałî diłdarîye
bo dił cwantirîn dyarîye
sipîy tyaye wekû befir
sûrîşî wek giřî agir
ew şî’raney wekû pişkon
hî em xełke û hî min û ton
ewan nebê şî’rekanim
řistî wişey xoş û cwanim
hemûy ekem be qurbanit
eydem be yek bizey cwanit
pirşingî şîrînî gonat
pepûley nîgay bêhawtat
zerdexeney xunçey demit
birîsk û hûřî perçemit
hemû şî’rekanim dênin
le astî cwanîta kemin
kamî xoşe û tamî tyaye
hełbestêkî bêhawtaye
lenaw tałî tewalêta
etwêtewe û leber pêta
ebê be nexte haławê
najî, emrê le dway tawê
bełam hembê tenya şî’rê
ew hełbestey berge bigrê
her şî’rî nîştimanîme
lewe bewlawe min nîme