ax fełek cedes keç řeftarîy to
From the Book:
Ew Şî’raney Dirawnete Paɫ Mewlewî
By:
Mawlawi Tawagozi (1806-1882)
1 minutes
784 views
ax fełek ce des keç řeftarîy to
dad ne çepgerdî û dił azarîy to
her sat esasey derdê mesazî
her řo be řengê nerdê mebazî
min xo tałe şûm xestey zam xeter
zerdey xedengan hîcran diłber
dîde piř esrîn, derûn piř ce tem
keften ne řûy tewq bendîxaney xem
dił alûdey hûn, ten barkêş derd
zwan leng û lał, řeng xezan zerd
to bew bêřeḧmî azîzîç wey meyl
diłey kos keftey minîç ce hûn keyl
sa ba řeḧmet bo çewaşey bedxo
toyç çerixt çun wesił azîz kota bo