germî derd qamet kerden we kahê
From the Book:
Ew Şî’raney Dirawnete Paɫ Mewlewî
By:
Mawlawi Tawagozi (1806-1882)
1 minutes
701 views
germî derd qamet kerden we kahê
her řo ne herdên we şinoy ahê
wicûdim bew tewr namu’lûm bîyen
be ẍeyr ce îsmê musemmaş nîyen
er nałe ce hîç nekeroş cya
tewfîrş nîyen çenî neqiş pa
nesîm er baro we řûmda carê
nimazûm we cem dû sałê carê
meynet er gêło ser we mûyê xem
mer we řoy meḧşer bwînom we çem
bûł siftey ten ha we des bawe
fîdat bûn saqî xemê bey lawe
nemîn ker perdey wicûdim we mey
beł we cam mey dîsan bibun ḧey
meynet xem pey pey perêş bikyano
ney menził newa matił bimano